Hovenier për Donjeta Sadikun: Edhe një shembull i shkëlqyeshëm i atleteve të zonja të Kosovës

Ambasadori i Shteteve të Bashkuara të Amerikës (SHBA) në Kosovë, Jeff Hovenier, e ka përgëzuar boksieren Donjeta Sadiku pasi kjo e fundit javën e kaluar siguroi pjesëmarrjen në Lojërat Olimpike të Parisit më 2024, pasi mposhti në gjysmëfinalen e turneut kualifikues italianen, Alessia Mesiano.

Hovenier ka shkruar në rrjetin X për përkushtimin dhe punën e sportistes Sadiku, duke thënë se ajo është shembull për t’u ndjekur dhe dëshmi e arritjeve të grave në sport.

“Edhe një shembull i shkëlqyeshëm i atleteve të zonja të Kosovës! Përgëzime Donjetës për këtë arritje të jashtëzakonshme. Puna e jote e palodhshme dhe përkushtimi shërbejnë si frymëzim për vajzat dhe gratë kosovare sportiste”, ka shkruar Hovenier.

Another shining example of Kosovo’s great female athletes! Congratulations to Donjeta on this incredible achievement. Your hard work and dedication serve as an inspiration for Kosovan women and girls in sports.@NOCKOSOVO https://t.co/mXNX6ifhnP

— Ambassador Jeff Hovenier (@USAmbKosovo) March 11, 2024

Rruga Press