Kërcënimi rus, Polonia hap thesin, blen granatahedhës suedezë kundër tankeve

Polonia ka nënshkruar një marrëveshje për të blerë granatahedhës antitank nga Saab e Suedisë në një marrëveshje me vlerë rreth 6.5 miliardë zloty (1.63 miliardë dollarë), tha të hënën ministri polak i Mbrojtjes, Wladyslaw Kosiniak-Kamysz.

Këtë vit Polonia po shpenzon rreth 4% të Prodhimit të Brendshëm Bruto (PBB) për mbrojtjen, ndërsa kërkon të forcojë forcat e saj të armatosura përballë pushtimit rus të Ukrainës. Marrëveshja ka të bëjë me granatahedhësin Carl-Gustaf M4, i cili synon të luftojë të gjitha llojet e mjeteve moderne luftarake.

Në janar, NATO nisi stërvitjen e saj më të madhe që nga Lufta e Ftohtë, duke përsëritur se si trupat amerikane mund të përforconin aleatët evropianë në vendet në kufi me Rusinë dhe në krahun lindor të aleancës, nëse një konflikt do të ndizet me një kundërshtar “të afërt”.

Rreth 90,000 trupa do t’i bashkohen stërvitjeve Steadfast Defender 2024 që do të zgjasin deri në maj. Gjatë një stërvitje ushtarake të hënën, trupat kaluan lumin Vistula të Polonisë me tanke dhe pajisje ushtarake nga vende të ndryshme si pjesë e stërvitjeve.

Stërvitjet provojnë ekzekutimin e planeve të saj rajonale nga NATO, planet e para të mbrojtjes që aleanca ka hartuar në dekada, duke detajuar se si do t’i përgjigjej një sulmi rus. Kosiniak-Kamysz gjithashtu konfirmoi se objekti që ra në një fushë në veri-lindje të Polonisë ishte një tullumbace moti. Më herët të hënën, tabloidi “Fakt” raportoi se një objekt ushtarak kishte rënë pranë qytetit të Milakowo.

Rruga Press