Vitia: Së shpejti do të nisim me ligjin e ri për sigurime shëndetësore

February 2, 2024 User2

Ministri i Shëndetësisë, Arben Vitia është duke raportuar në Komisionin për Shëndetësi.

Para anëtarëve të komisionit, Vitia përmendi disa të arriturat që kanë shënuar gjatë vitit 2023.

Ministri tha se kanë zvogëluar pritjet në disa klinika, ku përmendi edhe Klinikën e Radiologjisë.

“Në Ortopedi kemi bërë renovim të sallave, do të blihen edhe aparatura të reja, e proteza të ndryshme. Po punohet edhe në spitalet tjera. Në Klinikën e Kardiologjisë ka pasur rekord të ndërhyrjeve, kjo po zgjerohet edhe në Prizren, Po ashtu, në Kirurgjinë Vaskulare po investojmë në salla, çdo investim në salla, rrit volumin e punës”, deklaroi ai.

Lexo më shumë Dekreti jo vetëm që është në kundërshtim me Kushtetutën, por edhe mënyra se si po tentohet të argumentohet është në kundërshtim me Kushtetutën

Ministri Vitia tha se kanë bërë investime edhe në Klinikën e Neurokirurgjisë.

Gjithashtu, ai tha që së shpejti do të nisin edhe me ligjin e ri për sigurime shëndetësorë.

“Ligji për ndalimin e duhanit, ligji për inspektorat ligji për barna janë në finalizim”, potencoi ai.

Ministri deklaroi se gjatë vitit 2024 synojnë që sa më shumë të përmirësohet cilësia e shërbimeve në spitale.

Lexo më shumë Vijon protesta e banorëve të Rrjollit: Të ndalohen punimet deri sa të vendosë gjykata

Rruga Press