Francë, mësuesit në grevë për paga dhe kushte më të mira

Disa mijëra mësues kanë dalë në rrugë në Paris nga Place Edmond Edmond Rostand, në lagjen e gjashtë, për të mbërritur në Ministrinë Kombëtare të Arsimit.

Duke i dërguar një “paralajmërim qeverisë që qëndron e shurdhër”, dje protestuesit denoncuan mungesën e interesit për mënyrën se si trajtohen shkollat publike dhe për pagat e ulëta të mësuesve.

Ka pasur edhe kritika kundër ministres së Arsimit, Amelie Oudea-Castera, kur ajo pretendoi se i kishte futur fëmijët e saj në një shkollë private për shkak të “shumë orëve pa mësues të duhur zëvendësues” në shkollën fillore publike të djalit të saj.

Mathieu Moreau, profesor dhe sekretar i sindikatës CGT Educ’action 95, tha se ai denoncoi zgjedhjen e një “ministri me kohë të pjesshme”, duke e përshkruar ministren Oudea-Castera si “të shkëputur nga realiteti”.

Sindikata e shkollave të mesme FSU-SNUipp tha se 65 për qind e mësuesve në shkollat e Parisit ishin në grevë dhe të paktën 130 shkolla u mbyllën plotësisht dje në ditën e mobilizimit.

Ky ka qenë mobilizimi më i fortë që nga protestat kundër ish-ministrit të Arsimit, Jean-Michel Blanquer, në vitin 2022.

Rruga Press