Serbia ka rezultatin më të keq në 12 vitet e fundit në listën e korrupsionit

January 30, 2024 User2

Serbia është e 104-ta nga 180 vende në botë sipas perceptimit të korrupsionit, njoftoi Transparency International. Ky është rezultati më i keq që ka pasur Serbia në 12 vitet e fundit.

Serbia ra në vendin e 104-të në listën e vendeve botërore sipas perceptimit të korrupsionit për vitin 2023, njoftoi të martën Transparency International.

Lexo më shumë Nuk munguan as goditjet – detaje dhe pamje rreth përplasjes fizike mes deputetëve në Parlamentin e Serbisë

Në listën e fundit Serbia ishte e 101-ta, ndonëse kishte një indeks (36), ashtu si tani. Kjo do të thotë se, sipas mendimit të një organizate joqeveritare me reputacion, në Serbi nuk ka ndryshuar asgjë sa i përket korrupsionit.

Serbia ndan vendin e 104-të me Algjerinë, Brazilin dhe Ukrainën.

Indeksi i Serbisë është shtatë pikë më i ulët se mesatarja botërore dhe madje 28 pikë më keq se mesatarja e Bashkimit Evropian.

Lexo më shumë Patronazhistët rusë në Moldavi

Mali i Zi është në vendin e 63-të, i ndjekur nga Maqedonia e Veriut (76), Kosova (83), Shqipëria (98) dhe Bosnja dhe Hercegovina (108) menjëherë pas Serbisë, raporton Vreme.

Danimarka, Finlanda dhe Zelanda e Re janë ende në tre vendet e para si vendet me më pak korrupsion.

Tre të fundit janë Siria, Venezuela dhe Somalia.

Rruga Press