Bideni “s’i kursehet” Trumpit: Je kërcënim për reputacionin dhe demokracinë e SHBA-ve
Prej kohësh, presidenti amerikan Joe Biden e ka shmangur retorikën për Donald Trump, por duket se pas vendimit të Gjykatës së Kolosardos që ndalon Trump të kandidojë për President, Biden ka vendosur të komentojë.
Ai e ka cilësuar retorikën e Trump si autoritare që përbën rrezik për reputacionin dhe demokracinë e SHBA-ve.
“Ish-presidenti republikan Donald Trump e mbështeti kryengritjen, nuk ka asnjë dyshim për këtë, absolutisht asnjë dyshim”, tha të mërkurën presidenti aktual demokrat, 81 vjeç, i cili gjithashtu kërkon një mandat të dytë.
Ai u referua veprimeve të paraardhësit të saj kur mbështetësit e tij të tërbuar sulmuan Kapitolin më 6 janar 2021. Për një kohë të gjatë, banori i Shtëpisë së Bardhë e cilësoi Trump si Lord Voldemort , një personazh i “Harry Potter” që është po aq negative saqë emri i tij është i ndaluar të përmendet.
Por të martën mbrëma, në një darkë që shtroi për donatorët e partisë së tij, Joe Biden iu referua me emër paraardhësit të tij më shumë se dhjetë herë, diçka që ai tani e bën në mënyrë rutinore në ngjarje të tilla.
Nuk ka kamera apo regjistrime audio në këto dreka, por një grup gazetarësh lejohen të mbajnë shënime gjatë fjalimi të presidentit dhe të transmetojnë disa nga komentet e tij.
“Donald Trump përbën një kërcënim për disa gjëra në vend, veçanërisht “të drejtat e abortit, të drejtat e votës, të drejtat civile”, si dhe “reputacionin e Amerikës në botë”, tha ai.Por “ajo që Trump kërcënon më shumë është demokracia jonë”.
“Çdo kryetar shteti që takoj më thotë, duhet të fitosh. Fatkeqësisht nuk e thonë se më vlerësojnë mua, e thonë për atë tjetrin”, tha ai me pak humor.
Rruga Press