Rasti “Vanja” Shqiptarët sërish u paragjykuan si vrasës

December 4, 2023 User2

Nga Bekim Qoku

Vrasja e vajzës 14 vjeçe na rizbulon dy dukuri. E para, që, megjithëse viktima është e etnitetit maqedonas, të gjithë shqiptarët pa përjashtim këtu shprehën keqardhjen, empatinë dhe solidarizimin lidhur me rastin. Ata tani do të bashkëvajtojnë vrasjen e saj.

E dyta, aq shumë u paragjykuan nga disa media dhe politikanë maqedonas që autorët e rrëmbimit janë shqiptarë, saqë dje prokuroria u detyrua të deklarojë në mënyrë eksplicite që të gjithë të dyshuarit janë të përkatësisë maqedonase.

Lexo më shumë Analizë - Nëse Kosova do të ndahej, pjesa e mbetur do të bashkohej me Shqipërinë dhe këtë akt Rama, Thaçi e të tjerë do ta festonin si “fitore të bashkimit kombëtar”! Në fakt do të ishte fitore e Serbisë dhe e teorisë së saj për krijimin e Serbisë së Madhe

Kjo është një tregues se sa të paskrupullt janë disa njerëz e sa e brishtë është bashkëjetesa ndëretnike këtu. Duhet vetëm një shkëndijë, qoftë për arsye keqkuptimi apo banale, për t’u ndezur një vatër konflikti.

Krimi dhe kriminelët nuk kanë komb e fe. Në Kosovë ishin shqiptarë, këtu maqedonas. Të dyja viktimat ishin të pafajshme.

Dy familje u morën në qafë nga lakmia për pasuri.

Rruga Press