Franca nuk ftoi Izraelin, bota mblidhet në Paris për konferencën humanitare për Gazën

Liderë dhe përfaqësues të 80 shteteve të botës dhe organizatash ndërkombëtare u mblodhën në Paris për konferencën humanitare për Gazën.

I pranishëm është dhe kryeministri palestinez, ndërsa Izraeli nuk është ftuar në event. Zyrtarët francezë thanë se do ta informojmë shtetin hebre për zhvillimet.

Në konferencën e Parisit, ku të pranishëm janë dhe kryeministrat Edi Rama dhe Albin Kurti, diskutohet për koordinimin e ndihmës humanitare dhe për mënyrat se si mund të ndihmohen palestinezët e plagosur në Gaza.

Një ndër synimet e liderëve dhe pjesëmarrësve është që të përcaktohen qartë vendosja e pauzave humanitare në luftë për të ndihmuar civilët.

Megjithatë ka pak gjasa për rezultate konkrete në këtë drejtim, ndërsa fjala “armëpushim”, e cila ende vazhdon të jetë e ndaluar në tryezat diplomatike, ka nisur të përdoret, edhe pse me shumë ndrojtje.

Rruga Press