Osmani pritet në takim nga presidenti i Singaporit
Presidentja e Kosovës, Vjosa Osmani, është pritur në takim nga presidenti i Singaporit, Tharman Shanmugaratnam.
Osmani në një postim në Facebook ka njoftuar se në këtë takim kanë diskutuar për thellimin e marrëdhënieve në mes të dy shteteve.
“Falënderoj presidentin e Singaporit, Tharman Shanmugaratnam për pritjen e ngrohtë! Presidentin Shanmugaratnam e urova për marrjen e detyrës dhe njëkohësisht patëm diskutim përmbajtjesor për thellimin e marrëdhënieve në mes të dy shteteve tona, sidomos në fushën e bashkëpunimit ekonomik”, ka shkruar Osmani.
Osmani po qëndron në vizitë në Singapor, në kuadër të ceremonisë Earthshot Prize në Singapor.
Rruga Press