Ushtria ukrainase: Më shumë se 1/3 e territorit të Ukrainës e mbushur me objekte shpërthyese

Më shumë se një e treta e territorit të Ukrainës është e kontaminuar me mina dhe objekte shpërthyese për shkak të luftës me Rusinë, thuhej në llogarinë zyrtare të Telegramit të shtabit të përgjithshëm të Forcave të Armatosura të Ukrainës.

Në postimin e shtabit thuhej se specialistët kanë nisur punën dhe janë kontrolluar e pastruar disa zona qysh nga fillimi i luftës.

“Gjatë javës së kaluar, specialistët e komandës së forcave mbështetëse të Forcave të Armatosura të Ukrainës ekzaminuan dhe pastruan më shumë se 260 hektarë tokë bujqësore dhe territore të tjera nga objektet shpërthyese, ku u larguan dhe u neutralizuan 3,530 objekte shpërthyese”, njoftoi shtabi.

Tutje jepen shifrat totale të pastrimit të tokave nga objektet shpërthyese.

“Në total, që nga fillimi i agresionit të armatosur të Federatës Ruse kundër Ukrainës, grupet e çminimit të njësive kanë pastruar më shumë se 11,285 mijë hektarë tokë bujqësore nga objektet shpërthyese, të neutralizuara 135.792 objekte shpërthyese”.

Rruga Press