Shqiptarët në Amerikë do të protestojnë para OKB-së, kërkojnë që Serbia të mbahet përgjegjëse

October 20, 2023 User2

Të hënën, shqiptarët do të mblidhen para selisë së Organizatës së Kombeve të Bashkuara në New York.

Ata do të protestojnë kundër pjesëmarrjes së presidentit serb në takimin e Këshillit të Sigurimit të OKB-së që është paraparë të mbahet më 23 tetor.

Përmes kësaj proteste, shqiptarët në Amerikë po kërkojnë që Serbia të mbahet përgjegjëse për krimet e luftës dhe sulmin terrorist në Banjskë. Protestën e ka organizuar Mark Gjonaj, anëtar i Këshillit bashkiak të New Yorkut, me mbështetjen e plot shoqatave të tjera shqiptaro-amerikane.

Lexo më shumë Hargreaves uron Kurtin për mandatin e ri: Konfirmohet mbështetja e Britanisë së Madhe për Kosovën

Temë kryesore në seancën e Këshillit të Sigurimit të OKB-së që do të mbahet do të jetë sulmi terrorist në Banjskë. Kosovën do ta përfaqësojë presidentja e vendit, Vjosa Osmani, dhe për Serbinë medias serbe patën raportuar se i pranishëm në Këshill do të ishte Aleksandër Vuçiq, megjithatë ditë më vonë kanë raportuar se e përfaqëson kryeministrja Ana Bërnabiq.

Lexo më shumë Nga Shqipëria pothuajse çdo vit, rreth 35 studentë shkojnë për studime me bursë për në Rusi, kjo duhet parë me kujdes strategjik

Rruga Press