Konjufca takohet me deputetin gjerman, e falënderon për kthjelltësinë shembullore rreth situatës së sulmeve terroriste
Kryetari i Kuvendit i Kosovës, Glauk Konjufca gjatë vizitës së tij zyrtarë ne Gjermani është takuar edhe me Kryesuesin e Komisionit për Politikë të Jashtme të Bundestagut Gjerman, Michael Roth dhe nga anëtarët e këtij komisioni, Michelle Müntefering, Adis Ahmetovic, Jürgen Hardt, Peter Beyer, Thomas Hacker dhe Boris Mijatović.
Në këtë takim , Konjufca është shprehur mirënjohës ndaj Gjermanisë për përkrahjen në momentet më të mira dhe më të vështira ndaj Kosovës.
Ndër të tjera, ai ka falënderuar Roth për kontributin në lidhje më Kosovën si dhe “kthjelltësinë shembullore rreth situatës së sulmeve terroriste që synuan të destabilizojnë vendin tonë dhe rajonin.”
“Takime të tilla na shërbejnë për bashkërendim dhe bashkëpunim gjithnjë e më të thelluar mes vendeve tona që ndajnë së bashku vlerat, qëllimet dhe interesat strategjike.”, ka shkruar Konjufca.
Rruga Press