Lajme

Lirimi i Radoçiqit nga paraburgimi, Bogdanoviq thirrje Osmanit e Kurtit: Mbroni qytetarët serbë në veri

user 1

Kryetari i Lëvizjes Qytetare “Odgovor”, Boban Bogdanoviq ka reaguar pas lirimit të Milan Radoiçiqit nga paraburgimi, ndërkaq u ka bërë thirrje presidentes së Kosovës, Vjosa Osmani dhe kryeministrit Albin Kurti që të mbrojnë qytetarëve serbë.

Bogdanoviq në disa postime në platformën X ka shkruar se Serbia dhe presidenti i saj janë sponsor të terrorizmit ndërkombëtar.

“Ju lutem mbroni popullin tim serb, nuk është faji i tyre që terroristi Radoiçiq është i lirë…”  ka shkruar Bogdanoviq në gjuhën shqipe.

Ndërkaq, në postimin tjetër në X ai thekson se Serbia dhe presidenti i saj janë definitivisht sponsor të terrorizmit ndërkombëtar.

Lexo më shumë  Hargreaves: Me Gërvallën diskutuam për rëndësinë e zgjidhjes së shpejtë të sfidave politike

“Kosova është në rrezik!”, shkruan ai.

Politikani serb po ashtu ka shkruar për lirimin e Radoiçiqit nga paraburgimi dhe ka treguar pse insiston në një urdhër-arrest ndërkombëtar.

Lexo më shumë  A po ndërhyjnë disa ambasadorë në Gjykatën Kushtetuese të Kosovës? Ambasadori francez nuk e komenton pyetjen e gazetarit

“Lirimi i Radoiçiqit nga paraburgimi mund të ketë synim vrasjen e tij. Ai është një dëshmitar shumë i papërshtatshëm që do të dëshmonte për pjesëmarrjen e presidentit Aleksandar Vuçiq në përgatitjet për sulmin terrorist në Kosovë. ‘Gojët e vdekura nuk flasin’. Për këtë insistoj në një urdhër-arrest ndërkombëtar!”, shkruan ndër të tjera Bogdanoviq.

Rruga Press

YouTube player