Serbia nuk dënoi sulmet terroriste, shpall ditë zie për terroristët e vrαrë në veri të Kosovës

Qeveria e Serbisë, në përkrahje të terroristëve të vrarë në veri të Kosovës të dielën, ka shpallur 27 shtatorin ditë zie.

“Qeveria e Serbisë u kërkon mediave dhe organizatorëve të ngjarjeve publike të përshtatin programin e tyre me ditën e zisë të mërkurën, 27 shtator, ashtu që të respektojmë viktimat në Kosovë”, thuhet në njoftimin e Qeverisë së Serbisë.

Të dielën, si pasojë e një sulmi të armatosur në Banjskë të Zveçanit u vra polici Afrim Bunjaku. Në aksionin e Policisë, dhjetëra terroriste4 të armatosur e uniformuar serbë u rrethuan në fshatin Banjskë. Policia u sulmua në vazhdimësi nga sulmuesit. Nga aksioni deri tash janë konfirmuar tre terroristë të vrarë e gjashtë të arrestuar. Është kapur edhe arsenal armësh, ndërsa disa sulmues të tjerë tashmë është thënë se kanë ikur e po trajtohen në spitalet e Serbisë.

Të hënën në mbrëmje janë publikuar pamjet nga droni, në të cilën shihen lëvizjet e sulmuesve serbë brenda dhe jashtë Manastirit të Banjskës.

Në përkrahje të sulmuesve të vrarë, edhe Lista Serbe ka shpallur tri ditë zie në zonat me shumicë serbe në Kosovë.

Serbia nuk ka dënuar sulmin ndaj Policisë së Kosovës.

Rruga Press