Përleshje ndërmjet ish-kryeministrit dhe ish-ministrit sllovak – nuk munguan as grushtet, ndërhyri policia
Ish-kryeministri sllovak Igor Matoviq dhe ish-ministri i Brendshëm, Robert Kalinak janë përleshur të mërkurën.
Sipas mediave të huaja, dy politikanët sllovakë u përleshën në një ngjarje parazgjedhore.
Ish-kryeministri Igor Matoviq u përpoq të prishë sot ngjarjen e partisë opozitare Smer-SD, pas së cilës u përlesh me ish-ministrin e Brendshëm, Robert Kalinak.
Madje, në këtë rast thuhet se është dashur të ndërhyjë edhe policia.
Siç bëhet e ditur më tej, Matoviq ka shkuar me veturën e tij në vendin e ngjarjes ku po zhvillohej një konferencë për shtyp e socialdemokratëve, të cilët sipas sondazheve ishin në avantazh.
Nëpërmjet altoparlantit, Matoviq ofendoi politikanët e opozitës dhe i fajësoi ata për ardhjen e shumë emigrantëve kur miratuan legjislacionin në këtë fushë në vitin 2018.
🇸🇰 In Bratislava, ex-Prime Minister of Slovakia Igor Matovic and former head of the Ministry of Internal Affairs Robert Kaliniak fought.
— Winnie Pooh (@WinniePooh14466) September 13, 2023
The incident between the politicians was filmed and posted online by the news portal pravda. sk. pic.twitter.com/5fW6BZX1GX
Kalinak ishte ministër i brendshëm në atë kohë dhe si rrjedhim përgjegjës për ligjin që lejonte emigrantët të merrnin leje qëndrimi të përkohshme.
Konferenca e sotme për shtyp para zgjedhjeve parlamentare të 30 shtatorit iu kushtua migrimit.
Siç thuhet më tej, politikanët e partisë Smer-SD u përpoqën të fikin altoparlantin e montuar në makinë.
Kalinak u përpoq t’i merrte mikrofonin Matoviqit, i cili ishte në makinë.
Të dy u bënë të dhunshëm, Kalinak filloi të godiste me duar Matoviqin dhe ky i fundit tentoi ta nxirrte nga makina.
Ata u ndanë nga policia.
Rruga Press