Çfarë po ndodh në frontin e luftës, pikat kyçe ku po kryhet kundërofensiva ukrainase

Forcat e Ukrainës po kryejnë operacione kundërsulmuese në të paktën tre zona kyçe të vijës së frontit, sipas institutit të luftës me bazë në SHBA.

Në përditësimin e tij të fundit, Instituti për Studimin e Luftës thotë se përpjekjet po vazhdojnë në Bakhmut në Ukrainën lindore, Melitopol dhe Berdyansk në Ukrainën jugore.

Forcat ukrainase kanë kryer gjithashtu operacione kundërsulmuese në perëndim të rajonit të Zaporizhzhia, thotë ISË, duke iu referuar pamjeve satelitore.

Sipas kolonelit ukrainas Petro Chernyk, kundërofensiva po përparon ngadalë në jug të Ukrainës, sepse forcat duhet të kapërcejnë një linjë mbrojtëse ruse me tre shkallë.

Ai tha se linja ruse e mbrojtjes përfshin një linjë të parë fushash të minuara që shtrihen disa kilometra; një linjë e dytë me përqendrim të artilerisë, pajisjeve dhe personelit; dhe një linjë e tretë e pozicioneve të pasme që synojnë të ruajnë burimet.

Forcat ruse kapën Bakhmutin në maj pas muajsh luftimesh të përgjakshme gjatë të cilave të dyja palët pësuan humbje të mëdha. Që atëherë, forcat ukrainase kanë arritur të bëjnë përparime në zonë dhe po vazhdojnë përpjekjet për të rimarrë qytetin.

Rruga Press