Nga e hëna reduktohet numri i autobusëve të transportit publik në Tiranë

Nga e hëna, linjat e transportit publik në Tiranë do të funksionojnë me mjete te reduktuara. Ky është vendimi i marrë ditën e sotme nga Unioni i Transportit Publik.

Në një deklaratë, Unioni bën të ditur se shkak për reduktimin e mjeteve të transportit publik në qarkun e Tiranës janë sfidat dhe shqetësimet më të cilat, sipas tyre, janë përballur operatorët e këtij shërbimi së fundmi.

Unioni i Transportit Publik u bën thirrje organeve përgjegjëse që të nisin urgjent një dialog për të adresuar shqetësimet financiare të operatorëve që e ofrojnë këtë shërbim.

Rruga Press