Policia e Kosovës nis testimin e pilot-projektit për kamerat e trupit

Policia e Kosovës ka njoftuar të enjten për fillimin e fazës testuese të pilot-projektit për përdorimin e kamerave të trupit nga zyrtarët e saj.

Siç thuhet në njoftim, ky projekt është zbatuar në bashkëpunim me Shtetet e Bashkuara të Amerikës, veçanërisht me Institutin për Trajnim dhe Asistencë në Policinë e Kosovës (ICITAP) dhe Birojnë për Drejtësi Ndërkombëtare dhe Programet e Ligjit (INL).

Përmes këtij projekti, Policia e Kosovës synon të rrisë përgjegjësinë, transparencën dhe llogaridhënien ndaj qytetarëve, si dhe të rritë besimin e tyre në institucionin e policisë. Kamerat e trupit do të argumentojnë aktivitetet policore që kryhen gjatë detyrës zyrtare në terren.

Për të finalizuar projektin, Policia e Kosovës ka përgatitur dokumentacionin dhe procedurat standarde të operimit, në bashkëpunim me institucionet kompetente. Faza testuese e përdorimit të kamerave të trupit ka filluar sot në Njësinë për Kontroll të Autostradave, ndërsa do të vazhdojë më pas me njësitë tjera policore.

Po ashtu, Policia ka theksuar se pas përfundimit të fazës testuese, do të informojë opinionin dhe qytetarët përmes një njoftimi zyrtar apo konferencë zyrtare.

Rruga Press