Eurodeputeti gjerman Butikofer, e quan çmenduri deklaratën e ambasadorit amerikan Hill, në lidhje me kryeministrin Kurti

Euro-deputeti gjerman, Reinhard Butikofer ka reaguar lidhur me intervistën e ambasadorit amerikan në Beograd, Christopher Hill i cili ka thekuar se vendet perëndimore e kanë bërë të qartë se Kosova do të përballet me pasoja për shkak të zhvillimeve në veri të vendit, duke theksuar se problemet janë me kryeministrin Albin Kurti.

E lidhur me këtë deklaratë të Hillit dhe mënyrën si i ka vlerësuar raportet me Kurtin ka reaguar politikani gjerman, Butikofer, i cili madje e quan çmenduri deklaratën e ambasadorit amerikan.

“Ambasadori i SHBA-së në Serbi, Christopher Hill, duke komentuar konfliktin e vështirë Serbi-Kosovë, e quan presidentin e Serbisë Vuçiç një ‘partner të mirë’ ndërsa pyet nëse SHBA ‘mund ta konsiderojnë ende’ kryeministrin e Kosovës Kurti ‘një partner’. Thjesht çmenduri!.”, shkruan Butikofer.

U.S. Ambassador to Serbia, Christopher Hill, commenting on difficult Serbia-Kosovo conflict, calls Serbia's President Vučič a "good partner" while questioning, whether the U.S. "can still consider" Kosovo's Prime Minister Kurti "a partner". Just crazy! https://t.co/UnfN3H5aAu

— Reinhard Bütikofer (@bueti) June 8, 2023

Rruga Press