Shkon në 500 numri i fëmijëve të vrārë nga sulmet ruse

Më shumë se 500 fëmijë janë vrarë në Ukrainë që nga fillimi i luftës, me qindra të tjerë të plagosur. Viktima e fundit është një 2-vjeçar pas një sulmi rakete në lindje të vendit.

“Fëmija dy vjeçar i shpëtuar nga rrënojat vdiq në një ambulancë”, njoftojnë autoritetet. Ndërkohë, Ministria e Mbrojtjes e Mbretërisë së Bashkuar ka paralajmëruar se Rusia ka rigjallur sulmin e saj në qytetin kyç të Bakhmut, i cili për tetë muaj e gjysmë ka qenë në qendër të disa prej luftimeve më të përgjakshme.

Guvernatori rajonal Pavlo Kyrylenko tha se pesë persona u vranë kur raketat ruse goditën qytetin pranë Sloviansk të premten.

Gjithashtu sot, zyra e presidentit të Ukrainës Volodymyr Zelenskyy tha se luftimet gjatë 24 orëve të mëparshme në Bakhmut kishin shkatërruar dy kopshte dhe ndërtesa banimi, me qytetin, më parë shtëpia e 70,000 njerëzve, tani i ngjan një qyteti fantazmë, shkruajnë mediat e huaja. 

Në buletinin e saj të fundit të postuar në Twitter, DefenceHQ këtë mëngjes, Ministria e Mbrojtjes tha se Rusia ka ringjallur sulmin e saj në qytetin Bakhmut të rajonit Donetsk ndërsa forcat e Ministrisë së Mbrojtjes ruse dhe Grupit Wagner kanë përmirësuar bashkëpunimin.

Rruga Press