Sulm me αrmë ndaj Top Channel në mesnatȅ, humb jetën roja, gjendet një makinë e djegur

March 27, 2023 user 1

Një ngjarje e rëndë e ka tronditur Tiranën pak orë pas mesnate.

Pasi u dëgjuan krismat drejtpërdrejtë në transmetimin e një programi televiziv, Polica e Shtetit ka dal me një njoftim të menjëhershëm duke konfirmuar se është qëlluar me një breshëri plumbash ndërtesa e Top Channel.

Me këtë rast është vrarë edhe një person, i cili mësohet të jetë roja e sigurisë.

Më poshtë e keni njoftimin e plotë zyrtar:

“Tiranë/Informacion paraprak

Më datë 27.03.2023, rreth orës 01:00, në Mëzes, në rrethana ende të paqarta, nga persona ende të paidentifikuar, është qëlluar me armë zjarri në drejtim të ambienteve të Top Channel.

Si pasojë e të shtënave ka humbur jetën roja i sigurisë shtetasi P. K., 60 vjeç (punonjës i një shoqërie për ruajtjen fizike të objekteve).

Lexo më shumë Maqedonci jep detaje për procesin e hapjes së fabrikës për prodhimin e municioneve dhe laboratorin për dizejnimin e dronëve

Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Shërbimet e Policisë kanë ngritur pikat e kontrolleve dhe vijon puna për identifikimin e kapjen e autorëve”, ka shkruar Policia e Shtetit në Facebook.

Nga raportimet, thuhet se në autostradën e Kavajës tek vendi i quajtur “Përroi i Agait” është gjetur një veturë e djegur e tipit “Range Rover”, i cili dyshohet se u përket autorëve të këtij rasti.

Lexo më shumë “Mitrovica pa kryetar”, VV-ja në Mitrovicë shpallë në kërkim Hamzën

Targat e veturës kanë rezultuar të vjedhura, ndërkaq policia është në vendngjarje dhe grupi hetimor vijon punën për zbardhjen e rrethanave.

Ende nuk dihet se çfarë motivi mund të fshihet pas këtij sulmi të rëndë ndaj televizionit Top Channel.