Media amerikane: McGonigal në bashkëpunim me Ramën zhvatën biznesmenët shqiptarë

Gazeta prestigjoze amerikane, Washington Examiner, i bën thirrje Kongresit Amerikan të hetojë për skandalin e rëndë të Charles McGonigal në Shqipëri.

Gazetari dhe analisti John Schindler evidenton në atrikull se si Charles McGonigal është përfshirë në një skandal gjobëvënie në Shqipëri, me ndihmën e kryeministrit Edi Rama.

Schindler thekson se republikanët e Kongresit duhet të hetojnë këtë skandal të rëndë, pasi administrata e presidentit Joe Biden ka mbyllur sytë përpara këtij skandali.

Siç kam raportuar kohët e fundit, skandali në rritje që rrethon zyrtarin në pension të FBI -së, Charles McGonigal është ndoshta më i keqi në historinë e Byrosë. Burime të shumta më kanë thënë që McGonigal, teksa ende shërbente në FBI si Shef i Kundërzbulimit në New York, tronditi njerëzit e biznesit në Ballkan, shumica e tyre shqiptarë, me një skemë të guximshme politike të korrupsionit me vlerë shumë miliona dollarë.

McGonigal me sa duket kreu këtë mashtrim të paparë në bashkëpunim me Kryeministrin e Shqipërisë, Edi Rama, Partia Socialiste e të cilit ka qeverisur atë vend të vogël për një dekadë. Përkundër imazhit të kultivuar me kujdes të Ramës si një stalwart pro-amerikan i NATO-s dhe madje edhe luftëtar i korrupsionit, gjatë qeverisjes së tij, Shqipëria në fakt është bërë narko-shteti kryesor në Evropë. Siç ka raportuar Examiner Washington, Shqipëria e Ramës në këtë drejtim është rritur në nivele të Panamasë së Manuel Noriega, të viteve 1980. Për çfarëdo arsye, administrata Biden nuk duket se interesohet.

Këtë javë, Financial Times raportoi për qeverisjen e mbrapshtë të Ramës, duke hedhur sugjerime delikate të ngjarjeve shqetësuese prapa skenave, duke theksuar se “reputacioni i Ramës jashtë shtetit gjithashtu është njollosur për shkak të kontakteve të tij me një zyrtar të diskredituar amerikan,” d.m.th., McGonigal ” duke e ndihmuar udhëheqësin shqiptar të persekutojë rivalët politikë “. Shumë shqiptarë besojnë se qeveria bashkëpunon me trafikantët e drogës.

Po, ashtu bëjnë. Dhe njerëzit duhet të fillojnë të pyesin pse Uashingtoni del nga rruga e tij që të mbrojë qeverinë e afërt me trafikantët kundër kritikëve të saj.

Shqipëria është një aleat amerikan dhe i çmuar i NATO -s, megjithatë administrata Biden ka ndërhyrë vazhdimisht në politikën e brendshme të një miku dhe aleati për arsye që janë të vështira për t’u deshifruar. Qendra e skandalit përfshin Sali Berishë, ish -presidentin dhe ish-kryeministrin e vendit. Edhe pse Berisha është një figurë e fortë e Partisë Demokratike e qendrës së djathtë, ai u sanksionua nga Shtetet e Bashkuara në vitin 2021 nisur nga pretendimet për korrupsion. Teksa përpjekja për të gjetur një politikan të pakorruptuar në Shqipëri është shumë sfiduese, askush që është i informuar rreth Shqipërisë nuk mendon se Berisha dhe demokratët e tij janë më të korruptuar se Rama dhe socialistët e tij. (Shumica do të thoshin më pak.)

Financial Times la të kuptohet se çfarë po ndodh këtu: “Berisha, ish -president dhe ish-kryeministër, pohoi se lista e zezë e ShBA-së e vitit 2021 ishte rezulta i kontakteve të pretenduara të Edi Ramës me McGonighal-in. ‘”Megjithëse influenca ballkanike e McGonigal filloi gjatë kohës së administratës Trump, gjatë kohës së administratës Biden ka pasur ndërhyrje më të thella dhe më të dyshimta amerikane në politikën shqiptare për të ndihmuar Ramën dhe për të dëmtuar Berishën. Merrni rastin e Ylli Ndroqit, një manjat i mediave shqiptare dhe kritik i Ramës, i cili u sanksionua nga Uashingtoni (për pretendimin e “sjelljes destabilizuese” ) dhe më pas iu konfiskua stacionin i tij televiziv nga socialistët për pretendimin e korrupsionit.

As pretendimet e Ndroqit (se këto janë përndjekje nga ana e Ramës dhe Veliajt) nuk janë një incident i izoluar. Diplomatët amerikanë kanë kërcënuar shqiptarët, si dhe amerikanët që janë pro-Berisha, se po e ekspozojnë veten ndaj rrezikut të papërcaktuar juridik nëse vazhdojnë të kritikojnë Ramën dhe socialistët.

Më e keqja nga të gjitha, në tetor 2021, ambasadorja Yuri Kim u tha drejtpërdrejt pronarëve të mediave shqiptare se ata duhej t’i ndalonin të gjithë raportimet në televizionet kombëtare që ishte kritike ndaj kryeministrit Rama ose pro-Berisha. Burime të shumta dëshmojnë se ky takim ka ndodhur dhe kërcënimin e Yuri Kim-it. Që kur është e pranueshme që çdo diplomat amerikan t’u tregojë të huajve, veçanërisht në një vend miqësor aleat, çfarë mund dhe nuk mund të thonë? I pyetur për koment, një zëdhënës i Departamentit të Shtetit deklaroi se nuk ka “asnjë të vërtetë për këto pretendime për ambasadoren Kim”.

Asnjë nga këto nuk mund të shpjegohet në asnjë mënyrë normale. Jashtë skajeve të parëndësishme, politika shqiptare është plotësisht pro-amerikane dhe pro-NATO. Pavarësisht nëse demokratët apo socialistët janë në pushtet, politikat e Tiranës ndaj Uashingtonit dhe Brukselit do të vazhdojnë të pandryshuara. Pse, atëherë, administrata Biden është kaq e vendosur për të shtyrë përpara një parti politike shqiptare në kurriz të tjetrës?

Me urdhrat e kujt, pra, po vepron Kim, në një mënyrë kaq haptazi partizane, në lidhje me një aleat besnik të SHBA-së?

Një muaj më parë, thashë se “Kongresi duhet të bëjë pyetje shpejt pasi korruptimi i McGonigal-it mund të ketë infektuar më shumë zyrtarë të FBI-së sesa vetëm atë.” Tani është e qartë se Kongresi duhet t’i bëjë Departamentit të Shtetit dhe Shtëpisë së Bardhë disa pyetje edhe për Shqipërinë. Ndroqi pohon se ka bërë ankesa në Departamentin e Shtetit dhe të Thesarit për trajtimin e tij të ashpër nga miqtë e Bidenit. Çfarë ndodhi me ta? Ky mund të jetë një vend i mirë që Kongresi të fillojë të gërmojë.

Rruga Press