Tenistja ukrainase nuk ia shtrëngon dorën kundërshtares ruse pasi fitoi turneun

Tenistja ukrainase, Marta Kostyuk refuzoi të shtrëngonte duart me kundërshtaren e saj ruse, Varvara Gracheva pasi fitoi në finalen e ATX Open në Austin, Teksas, të dielën.

Kostyuk mundi Graçevën 6-3 7-5. Tenisistët zakonisht shtrëngojnë duart në fund të ndeshjeve, por Kostyuk refuzoi ta bënte këtë me Graçevën.

Kostyuk, e cila është nga Kievi, tha gjatë Australian Open të muajit janar se nuk do të shtrëngonte duart me kundërshtarët rusë ose bjellorusë.

Ajo refuzoi të shtrëngonte duart me Victoria Azarenka, nga Bjellorusia, në US Open në shtator.

20-vjeçarja ia kushtoi vendit të saj titullin e saj të parë të Shoqatës së Tenisit të Grave (WTA).

“Duke qenë në pozicionin në të cilin jam tani, është jashtëzakonisht e veçantë të fitosh këtë titull”, tha Kostyuk. “Dhe dua t’ia kushtoj këtë titull Ukrainës dhe të gjithë njerëzve që po luftojnë dhe po vdesin tani.”

Rruga Press