Putini gënjen haptazi në fjalimin e gjatë

Të martën, gjatë një fjalimi para deputetëve dhe popullit rus, në prag të njëvjetorit të nisjes së luftës në Ukrainë, presidenti i Rusisë, Vladimir Putin, foli për “përpjekjet e regjimit në Kiev për t’u furnizuar me armë bërthamore”.

Megjithatë, siç shkruan “BBC”, në një analizë të kësaj deklarate ka nxjerrë në rrenë presidentin rus.

“Kur ishte pjesë e ish-Bashkimit Sovjetik, armët bërthamore ishin me bazë në Ukrainë. Por u hoqën kur Ukraina iu bashkua Traktatit të mospërhapjes bërthamore më 1994. Në vitin 2021, ambasadori ukrainas në Gjermani sugjeroi që nëse Ukraina s’do t’i bashkohej NATO-s, mund të duhet ta rishqyrtojë statusin e saj pa armë bërthamore. Gjithsesi, Qeveria në Kiev nuk ka shprehur qëllime për t’u pajisur me armë bërthamore dhe një dokument strategjik ushtarak i publikuar më 2021, nuk iu referua fare. Dhe po ashtu, mbikëqyrësi i Kombeve të Bashkuara për armët bërthamore, Agjencia Ndërkombëtare e Energjisë Atomike (IAEA), ka thënë se s’ka shenja në Ukrainë për ‘devijim të materialit bërthamor, të destinuar për aktivitete paqësore apo qëllime të tjera”, thuhet në analizën që i është bërë pretendimit të Putinit.

Rruga Press