Thirrja e Berishës: Të hënën të gjithë para Parlamentit

February 11, 2023 user 1

Kreu i Partisë Demokratike, Sali Berisha tha se ditën e hënë do të ketë sërish protestë nga PD këtë herë përpara Parlamentit.

Berisha tha se demokratët janë në një mision të shenjtë kundër një kryeministri që sillet si diktator ndërsa theksoi se revolucioni vazhdon para Parlamentit, të cilin siç tha Rama e ka shndërruar në turp.

Lexo më shumë Konjufca pret në takim homologun e tij nga Maqedonia e Veriut

“Jemi në mision të shenjtë kundër një shteti që sillet më keq se çdo pushtues, osman, nazist, fashist që ka njohur Shqipëria gjer sot. Edi Rama të kemi prerë biletën! Kthim pas nuk ka, misionarët si ne s’i ndalon dot asgjë. Rama e ka shndërruar Parlamentin në një turp, më keq se parlamenti i Putinit. Aty shfrytëzon çdo lloj mekanizmi për të përjashtuat përfaqësuesit tuaj. Të hënën të gjithë përpara Parlamentit, revolucioni na fton të gjithë para parlamentit. Revolucioni vazhdon, s’ka forcë që na ndalon”, tha Berisha.

Lexo më shumë Kryeministri Kurti vendos gurthemelin e nënstacionit policor të policisë kufitare në Izvor të Zveçanit, dy kilometra nga kufiri me Serbinë

Rruga Press