Nuk ndalet ‘Anonymous’, grupi i hakerëve publikon dokumente sekrete të qeverisë së Serbisë

Grupi i njohur i hakerëve ‘Anonymous’, para pak çastesh kanë njoftuar se kanë publikuar një sërë dokumentesh sekrete të qeverisë së Serbisë.

Kohë më parë ky grup i ka dërguar mesazh presidentit të Serbisë, Aleksandar Vuçiq.

Madje bën të ditur se janë shumë të angazhuar, dhe se kanë hakuar adresat elektronike të qindra zyrtarëve të qeverisë serbe.

JUST IN: The #Anonymous collective has leaked dozens of confidential documents from the Serbian government#OpSerbia

Link: https://t.co/65X4pK3vIR

"We're not done with you yet, Mr. Putin's puppet!" pic.twitter.com/HKU9q3QDlB

— Anonymous TV 🇺🇦 (@YourAnonTV) January 17, 2023

Kjo nuk është hera e parë që ‘Anonymous’ ia bëjnë me dije Aleksandar Vuçiqit, se nuk do të qëndrojnë duarkryq karshi aktiviteteve të tij rrezikshme në Kosovë.

“Autokrati serb Aleksandar Vuçiq, marioneta e Vladimir Putinit, po përpiqet të destabilizojë rajonin, duke përdorur mekanizmat e dhunës dhe terrorit të kriminelit të luftës Sllobodan Millosheviq, por për të do të jetë vetëvrasje. Që kur filloi lufta në Ukrainë, Serbia është i vetmi vend që zyrtarisht mban marrëdhënie të mira me Rusinë, duke refuzuar të bashkohet me sanksionet e vendosura nga Bashkimi Evropian”, thuhej në mesazh.

E tani, ata kanë publikuar dokumentet sekrete të qeverisë së Serbisë, duke e lënë të hapur dhe të qasshëm për të gjithë linkun për shkarkimin e dokumenteve sekrete.

Rruga Press