Paralajmëron inteligjenca ukrainase: Putini po përgatitet për një luftë të gjatë

Përpjekjet e presidentit rus Vladimir Putin për të riorganizuar ushtrinë ruse tregojnë se Kremlini po përgatitet për një “luftë afatgjate”, ka thënë inteligjenca ukrainase.

Në një deklaratë në faqen e saj në Telegram, Ministria e Mbrojtjes e Ukrainës tha se Rusia kishte për qëllim forcimin e potencialit të forcave të saj të armatosura.

“Masat e Putinit për të riorganizuar ekonominë dhe kompleksin ushtarako-industrial të Federatës Ruse dëshmojnë për përgatitjen e kalimit të Rusisë në gjendjen ushtarake. Ato synojnë forcimin e potencialit të forcave të armatosura të Federatës Ruse dhe krijimin e kushteve për kryerjen e operacioneve që ishin planifikuar që në fillim të luftës, por u zbatuan pa sukses nga forcat pushtuese ruse”, thuhet në deklaratë.

Ministria vazhdoi të thoshte se emërimi i fundit i shefit të shtabit të përgjithshëm, Valery Gerasimov, dëshmoi jo vetëm për dështimet ushtarake të Rusisë, por edhe për “përgatitjen e Federatës Ruse për vazhdimin e një shkallë, luftë afatgjate.

Rruga Press