Lajme

Kurti për “El Pais”: Pres që Spanja të ndryshojë qëndrimin për njohjen e Kosovës

Kryeministri i Kosovës, Albin Kurti ka thënë se pret që kreu i qeverisë spanjolle, Pedro Sanchez të ndryshojë qëndrimin e tij për njohjen e Kosovës, pasi sipas tij, rasti me Katalonjën nuk është i njëjtë.  

Spanja është një nga pesë vendet e BE-së që nuk e njeh pavarësinë e Kosovës, së bashku me Greqinë, Rumaninë, Qipron dhe Sllovakinë.

Lexo më shumë  Haxhiu për interpretimin e melodisë nacionaliste serbe në Bruksel: Presim sqarim për përzgjedhje të papërgjegjshme

Në një intervistë për gazetën më të madhe spanjolle “El Pais”, Kurti thotë se brenda ish-Federatës Jugosllave, Kosova ishte pjesa më e varfër e vendit dhe më e shfrytëzuara, ndërkohë që Katalonja dhe vendi bask janë rajonet më të pasura të Spanjës, transmeton kp.

Sipas Kurtit “raporti i menaxhimit jugosllav ndaj Kosovës ishte kolonial, i ngjashëm me atë të Francës në raport me Algjerinë”.

Lexo më shumë  Pengmarrja në Bruksel zbulon organizatën shqiptare të trafikut ndërkombëtar të drogës

Për Kurtin nuk ka asgjë shqetësuese që Madridi dhe Barcelona t’i zgjidhin me dialog gjërat e tyre meqenëse Spanja është një vend demokratik, ndërsa Prishtina dhe Beogradi kanë probleme pasi “Serbia është shtet autokratik”.

Rruga Press

YouTube player

Leave a Reply

Your email address will not be published. Required fields are marked *