Bota

Rusia emëron komandantin e ri të ushtrisë që do të drejtojë luftën në Ukrainë

Rusia ka emëruar komandantin e ri të ushtrisë së saj. Ministri i Mbrojtjes i Rusisë njoftoi se Valery Gerasimov do të jetë personi që do të udhëheqë të ashtuquajturin “operacion special ushtarak” në Ukrainë.

Gerasimov zëvendëson Sergei Surovikin, i cili u emërua në këtë rol më 8 tetor 2022 dhe qëndroi në krye të forcave ruse gjatë tërheqjes nga zona të mëdha të rajonit Kherson.

Lexo më shumë  Biden dhe Zelensky nënshkruajnë marrëveshje të sigurisë

Surovikin tani do të shërbejë si zëvendës komandant, sipas një deklarate nga Ministria ruse e Mbrojtjes.

Zëvendëskomandantët janë: Komandanti i Përgjithshëm i Forcave Ajrore të Ushtrisë gjeneral Sergei Surovikin, Komandanti i Përgjithshëm i Ushtrisë, Oleg Salyukov, Komandanti i Përgjithshëm i Ushtrisë, Oleg Salyukov, si dhe Zëvendës Shefi i Shtabit të Përgjithshëm, Gjeneral Koloneli i Forcave të Armatosura, Aleksey Kim.

Sipas ministrisë ruse, ndryshimet erdhën për shkak të “gamës së përforcuar të detyrave, domosdoshmërisë së një bashkëpunimi më të ngushtë ndërmjet shërbimeve dhe degëve të Forcave të Armatosura, si dhe për përmirësimin e cilësisë së të gjitha llojeve të mirëmbajtjes dhe efikasitetit të komandimit të grupeve të forcave të armatosura.

Lexo më shumë  Ukraina vazhdon importimin rekord të rrymës, për shkak të dëmeve në infrastrukturën energjetike

Rruga Press

YouTube player

Leave a Reply

Your email address will not be published. Required fields are marked *