Lideri çeçen për Zelenskin: Të godasim mbrojtësin e satanizmit

Udhëheqësi çeçen, Ramazan Kadyrov, ka kërcënuar sërish presidentin ukrainas, Volodymyr Zelensky.

Kadyrov ka thënë se është e nevojshme të goditet presidenti ukrainas, i cili sipas tij është i akuzuar si “agjitatori kryesor” i “satanizmit” të Kievit dhe NATO-s.

“Nuk duhet të ketë negociata. Ne duhet të godasim strofkën e satanistëve në qendër të Kievit!

Është e nevojshme të godasim mbrojtësin kryesor dhe agjitatorin e kësaj ideologjie të ndyrë, Zelenskyn,” tha Kadyrov, duke postuar një video në kanalin e tij Telegram.

“Ne jemi në luftë kundër Satanizmit dhe të gjitha manifestimeve të tij më të këqija. Kjo është forca jonë shpirtërore. Dhe kjo frymë nuk mund të thyhet! Po, popullsia e Ukrainës po vdes. Por ata duhet të ofendohen që po vdesin kot për të drejtën që Perëndimi të mbajë parada ylberi para fëmijëve dhe jo për vlerat e tyre kombëtare”, tha Kadyrov në mesazhin e tij.

“Sodoma dhe Gomorra u ndëshkuan nga i Plotfuqishmi. Dhe sot kjo shpatë e ndëshkimit të shenjtë është në duart e Rusisë”, përfundoi ai.

Rruga Press