Alarmi për bombë në aeroportin e Prishtinës, reagon policia pas kontrolleve

Policia e Kosovës ka deklaruar se alarmi për bombë në aeroportin e Prishtinës ka rezultuar i rremë.

Përmes një njoftimi zyrtar policia bën me dije se pas kontrolleve të kryera rezulton se alarmi ishte i pavërtetë dhe kishte “qëllime të caktuara”, por pa dhënë më shumë detaje.

Sipas policisë është bërë kontrolli i imtësishëm i godinës por nuk është gjetur asgjë.

“Konfirmojmë se kemi pranuar një kërcenim me bombë. Udhëtarët dhe personeli janë evakuuar dhe janë të sigurt. Ekipet e involvuara në planin emergjent janë duke kryer detyrat e tyre”, shkruan Gara në Facebook.

Ndërkaq, Policia e Kosovës ka njoftuar se kërcënimi për bombë në Aeroportin Ndërkombëtar të Prishtinës “Adem Jashari”, ishte alarm i rrejshëm “me qëllime të caktuara”. Sipas Policisë, në objekt janë kryer kontrolle dhe se s’është gjetur asgjë”, thuhet në njoftimin e policisë.

Rruga Press