Veturës me simbolin famëkeq rus “Z” i vihet flaka në Donetsk, kamerat e sigurisë kapin momentin

December 27, 2022 user 1

Në Donetsk të Ukrainës kamerat e sigurisë kanë kapur momentin kur një veturë civile por që kishte të ngjyrosur simbolin famëkeq “Z” të ushtrisë ruse, i vihet zjarri nga një person i maskuar.

“Z” është bërë simbol i tmerrit, vrasje e përdhunimeve në Ukrainë, dhe ngado që ky simbol shfaqet pritet të ketë masakra mbi civilët dhe bombardime të ashpra.

Lexo më shumë Merkeli shpreh shqetësim të madh për rolin e Muskut në administratën Trump

Për këtë arsye mjete me një simbol të tillë nuk janë të “dashur” as edhe në një vend të Ukrainës, dhe sa herë që ukrainasve u jepet rasti i shkatërrojnë ato.

Kamerat e sigurisë shfaqin momentin kur një person i maskuar i afrohet veturës me simbolin “Z”, dhe i vë një leckë të lagur me benzinë të cilës i vë zjarrin që zgjerohet në tërë mjetin motorik.

Ndryshe luftimet e ashpra mes ukrainasve dhe rusëve po vazhdojnë pas më shumë se 10 muajve, ku Kremlini po vazhdon të ketë për objektiv rrjetin energjetik të Kievit, e ukrainasit po e vazhdojnë kundërofensivën duke çliruar shumë qytete e fshatra që ishin nën kontrollin e rusëve.