Polonia shpall Rusinë shtet sponsor të terrorizmit

Dhoma e Ulët e parlamentit polak shpalli Rusinë shtet sponsor të terrorizmit. Rezoluta e dërguar në kuvend u votua në përpjekjen e dytë, pasi e para dështoi dy javë më parë për protestat e opozitës kundër partisë në pushtet duke shtuar një amendament të minutës së fundit, që nuk ishte pjesë e draftit të përgatitur fillimisht nga partitë opozitare.

Partia në pushtet “Ligj dhe Drejtësi” detyroi rezolutën që të përfshinte amendamentin e diskutueshëm që fajëson Rusinë për aksidentin e avionit të vitit 2010, në të cilin presidenti i atëhershëm polak, bashkëshortja e tij dhe 94 zyrtarë të tjerë dhe ekuipazhi u vranë gjatë një tentative uljeje në një aeroport afër Smolensk në perëndim të Rusisë. Partitë opozitare ranë dakord të mos e votojnë rezolutën.

Rezoluta mori 231 vota pro dhe 226 abstenime. Në të gjithashtu quhet agresioni rus në Ukrainë një “shkelje e rëndë” e integritetit territorial, sovranitetit dhe pavarësisë politike të shtetit fqinj. “Federata Ruse duhet të izolohet në arenën ndërkombëtare”, thuhet në dokument.

Rruga Press