Escobar nuk flet për dialogun, shpreh mbështetjen amerikane për aspiratat euroatlantike të Kosovës
Emisari i SHBA-së për Ballkanin Perëndimor, Gabriel Escobar, ka shprehur mbështetjen e SHBA-së për aspiratat euroatlantike të Kosovës.
Ai e ka quajtur Kosovën një aleate shumë të mirë të SHBA-së dhe mike të mirë.
“Qëllimi i vizitës është për të shikuar mënyrën e bashkëpunimit me një aleate shumë të mirë dhe mike të mirë. Është miqësi e partneritet i bazuar jo vetëm në interes të përbashkët, por edhe në ndarjen e vlerave të njëjta. Kam dëshirë të shprehi mbështetjen e vazhdueshme amerikane për aspiratat euroatlantike të Kosovës dhe solidaritetin për Kosovën në këtë kohë krize”, ka thënë Escobar, që ka shtuar se SHBA-ja mbështet dialogun Kosovë – Serbi të ndihmuar nga BE-ja.
Ai ka thënë se është krenar që Kosova ka kontribuuar në agjendën e përbashkët.
Pas takimit me Osmanin, Escobar është nisur drejt ndërtesës së Qeverisë për t’u takuar me kryeministrin Albin Kurti.
Rruga Press