Për katër orë, Rusisë iu shkatërruan 18 raketa në qiellin ukrainas

Gjithsej 18 raketa ruse u shkatërruan të martën mbi Ukrainë, njoftuan Forcat Ajrore të Ukrainës, raportoi BBC-ja.

Në njoftim u tha se vala e luftimeve ishte nga ora 09:30 deri në 13:00, derisa ofensiva ukrainase kryesisht u koncentrua në jug të vendit.

Gjatë një konference për media nga Ministria e Mbrojtjes, Yuriy Hnat nga Forcat Ajrore, tha se Rusia sulmoi me raketat Kh-1010 dhe Kh-555. Këto raketa kanë rreze veprimi prej 5000 kilometrave dhe fluturojnë ngadalë.

Hnat shpjegoi se meqë alarmi ra për një kohë të gjatë, Ukraina pati mundësinë t’i shkatërrojë në qiell.

Ukraina po e vazhdon me sukses ofensivën ndaj trupave ruse. Rusia aktualisht është e koncentruar për të sulmuar në Kiev, pasi trupat ukrainase dëmtuan urën e Kërçit, që lidh Krimenë me Rusinë.

Rruga Press