Ushtria ukrainase zmbrapsi sulmet ruse në lindje
Ukraina ka zmbrapsur sulmet nga forcat ruse nëpër vijat e frontit në rajonin lindor të Donetskut, tha të enjten Shtabi i Përgjithshëm i Ushtrisë.
“Rusia udhëhoqi një ofensivë në drejtimin Mykolaivka-Vyimka, ishte e pasuksesshme, u tërhoq”, tha Shtabi i Përgjithshëm për shtytjen e Moskës drejt qytetit kyç të Kramatorskut, shkruan CNN-i të enjten.
Pjesa më e madhe e luftimeve ishte e përqendruar rreth qytetit Bakhmut, i cili mbeti nën zjarr të rëndë të artilerisë ruse, tha ai.
“Okupatorët filluan një ofensivë në drejtimet Volodymyrivka–Soledar, Pokrovske–Bakhmutske, Pokrovske–Bakhmut, Klynove–Bakhmut, Semihiria–Zaitseve, Semihiria–Kodema dhe Holmivskyi–Zaitseve”, tha Shtabi i Përgjithshëm.
Pushtuesit nuk arritën asnjë rezultat pozitiv në asnjë drejtim sulmues dhe u tërhoqën me humbje.
Forcat ruse gjithashtu patën sukses të kufizuar në perëndim të qytetit Donetsk, afër Avdiivka, shtoi ai.
Rruga Press