Dy automjete të prishura vazhdojnë ta mbajnë të bllokuar pikë kalimin kufitar në Bërnjak

Një kamion dhe një ekskavator të cilët janë prishur, po e pamundësojnë lirimin e rrugës për qarkullimin shumë pranë pikës kufitare në Bërnjak.

Raportohet se dy automjetet mbi urën që ndodhet aty nuk po mund të ndizen për t’u larguar, dhe si pasojë rruga ka mbetur sërish e bllokuar.

Ndërkohë, kamionët e tjerë të cilët ishin të vendosur në drejtim të rrugës për këtë pikë kalimi kufitar tashmë janë larguar të gjithë.

Të hënën gjatë ditës janë larguar edhe pengesat në rrugën që çon për te pika tjetër kufitare veriore, Jarinjë.

Rruga Press