Në garë për të zënë vendin e Boris Johnson, Truss surprizon mbi dërgimin e trupave britanike në Ukrainë

July 21, 2022 user 1

Sekretarja e Jashtme britanike, Lizz Truss, njëra prej dy kandidatëve për të marrë pozitën e kryeministrit, pas dorëheqjes së Boris Johnsonit, ka thënë se nuk mbështet dërgimin e ushtarëve britanikë në Ukrainë, për të ndihmuar në luftën kundër Rusisë.

Duke folur në një intervistë për transmetuesin britanik BBC, më 21 korrik, Truss ka hedhur poshtë “përfshirjen e drejtpërdrejtë” të trupave të shtetit të saj, në rast se bëhet kryeministre.

Lexo më shumë Bllokohet nisma hungareze për avancimin e integrimit të Serbisë në BE

“Ne po bëjmë gjithçka që mundemi për të mbështetur Ukrainën. Ne kemi qenë në krye të koalicionit ndërkombëtar në dërgim të armëve, jemi duke zbatuar sanksionet, mirëpo nuk mbështes përfshirjen e drejtpërdrejtë të trupave britanike”, ka thënë ajo.

Komentet e saj janë në linjë me qëndrimet e Shteteve të Bashkuara, NATO-s dhe shumicës së shteteve tjera perëndimore, të cilat kanë mbështetur Kievin në luftë përmes dërgimit të armëve dhe ndihmës tjetër, por që kanë hedhur poshtë mundësinë e dërgimit të ushtarëve në tokën ukrainase.

Moska ka thënë se çfarëdo përfshirjeje e forcave perëndimore në Ukrainë, do të konsiderohet shpallje e luftës kundër Rusisë.

Lexo më shumë Le Monde: Franca dhe Britania nuk përjashtojnë drejtimin e një koalicioni në Ukrainë. Dërgimi i ushtarëve evropianë po diskutohet