Dyshime se pas sulmit masiv kibernetik në Shqipëri qëndron Rusia

Shqipëria është vënë në shënjestër të një sulmi masiv kibernetik që ka shkaktuar mbylljen e shërbimeve qeveritare online.

Nuk ka pasur asnjë koment zyrtar se kush qëndron pas sulmit, megjithëse disa media shqiptare kanë fajësuar Rusinë. Si anëtare e NATO-s, Shqipëria është një mbështetëse e Ukrainës dhe pjesë e sanksioneve perëndimore ndaj Rusisë.

Agjencia Kombëtare e Shqipërisë e Shoqërisë së Informacionit (AKSHI) njoftoi më 17 korrik se Shqipëria po përballej me një sulm të sofistikuar kibernetik nga jashtë vendit. Që nga pasditja e 18 korrikut, faqja e internetit e AKSHI-t nuk ishte e aksesueshme.

Sipas AKSHI, Microsoft, Jones Group International dhe kompanitë vendase të IT-së kanë punuar për të luftuar sulmin kibernetik dhe për të parandaluar dëmtimin e mëtejshëm të sigurisë dhe sistemeve të informacionit shqiptar.

Qeveria konfirmoi mëngjesin e 18 korrikut se vendi po përballet me një sulm masiv kibernetik.

“Ky sulm kriminal kibernetik u sinkronizua nga jashtë Shqipërisë”, thuhet në deklaratë.

“Për të mos lejuar që ky sulm të dëmtojë sistemin tonë të informacionit, Agjencia Kombëtare e Shoqërisë së Informacionit kishte mbyllur përkohësisht shërbimet online dhe faqet e tjera të internetit të qeverisë.”

Qeveria shqiptare mori shumicën e shërbimeve publike duke përfshirë pagesën e taksave në internet nëpërmjet portalit e-Albania që nga 1 maji, teksa dritaret e shërbimit personal në zyrat e qeverisë dhe institucione të tjera u mbyllën.

Masa synon ta bëjë më të përshtatshëm për qytetarët aksesin e shërbimeve dhe të reduktojë korrupsionin, por në atë kohë u shprehën shqetësime se si do të menaxhonin të moshuarit dhe ata pa akses në internet.

Kreu i opozitës, Sali Berisha, kritikoi qeverinë për sulmin kibernetik në një postim që thoshte se “Portali (e-albania) përmban informacionin më të rëndësishëm të çdo qytetari shqiptar, i cili tashmë është nën kërcënimin e përdorimit të paligjshëm nga autorë të panjohur”.

“Si mundet kjo qeveri që e ka kthyer me forcë portalin e-albania në një “institucion dixhital” për pothuajse çdo dokument të rëndësishëm, të lejojë një akt të tillë kriminal? Si mund të ndërmerren nisma të tilla pa pasur një oficer policie profesionist të krimit kibernetik? Si mundet [Kryeministri] Edi Rama dhe qeveria e tij të luajnë me privatësinë e qytetarëve në këtë mënyrë?”, shkruajti Berisha në postimin e tij në facebook./IntelliNews

Rruga Press