Macroni: Franca dëshiron të ndalojë konfliktin ushtarak në Ukrainë pa ndërhyrë në të

Franca dëshiron të ndalojë konfliktin ushtarak në Ukrainë pa ndërhyrë në të dhe nuk dëshiron një luftë të re botërore, tha sot presidenti francez Emmanuel Macron.

“Ne duhet të jemi të përgatitur për faktin se lufta në Ukrainë do të vazhdojë për një kohë të gjatë. Vera dhe fillimi i vjeshtës do të jenë të vështira. Ne duam të ndalojmë luftën pa u përfshirë në të. Ne nuk duam një botë të re luftë”, tha Macroni në një intervistë për kanalet televizive TF1 dhe France 2.

Sipas tij, Parisi duhet të vazhdojë të ndihmojë Ukrainën dhe të bëjë presion ndaj Rusisë me sanksione të reja.

Macroni paralajmëroi gjithashtu se Franca duhet të përgatitet për skenarin më të vështirë, që nënkupton që Rusia të ndalojë plotësisht furnizimet me gaz.

“Mund të na duhet të kalojmë pa gazin rus. Ky është një skenar shumë i vështirë, por ne duhet të jemi gati për të”, tha i pari i shtetit francez.

Më herët, zëdhënësi i kabinetit francez, Olivier Veran tha se ekziston një rrezik serioz i mungesës së gazit në Evropë nëse ndërpritet furnizimi me gaz nga Rusia.

Kërkesa e Macronit për prodhuesin e armëve: Punoni si të ishim në luftë

Presidenti i Francës, Emmanuel Macron, i ka kërkuar prodhuesit francez të armëve Nexter që të rrisë prodhimin, pasi i ka premtuar Ukrainës se do t’i dërgonte armë të tjera.

Një burim pranë Ministrisë Franceze të Mbrojtjes i ka thënë Reuters-it se Macroni i ka kërkuar Nexter-it “që të punojë njësoj sikur të ishte kohë lufte”, për të prodhuar sa më shpejt sistemet Caesar.

Por edhe pavarsisht kontekstit aktual të luftës, pak kohë më parë Macroni kishte deklaruar se “s’ka paqe në Ukrainë nëse synimi është të shtypet Rusia”.

Kreu i Elizesë u kritikua nga Kievi për qëndrim të butë ndaj Moskës, dhe ndryshe nga liderët e tjerë perëndimorë si Joe Biden dhe Boris Johnson, Macroni ka shmangur sulmet e forta ndaj presidentit Putin. Në intervistën pas kthimit nga Kievi, Macroni tha se kishte dëgjuar se objektivi i kësaj lufte ishte shtypja e Rusisë, por kjo sipas tij nuk do të çonte kurrë në një marrëveshje paqe. Ai shtoi se do të vazhdonte të dialogonte me Putinin, sa herë që të ishte e nevojshme.

“Roli i Francës është që të ndihmojë Ukrainën, njëkohësisht duke mos hequr dorë nga lidhjet dhe mundësisht diskutimet me Rusinë. Do të flas me Putinin sa herë të jetë nevoja”, ishte shprehur ai.

Rruga Press