Petkoviqit s’i lejohet hyrja në Kosovë, deshi të inauguronte sheshin me emrin “Serbia”

Drejtori i Zyrës për Kosovën në Qeverinë e Serbisë, Petar Petkoviq, nuk është lejuar të martën të futet në Kosovë, kanë bërë të ditur mediat serbe.

Sipas mediave serbe, ai ia kishte mësyrë fshatit Kufcë e Epërme në Gjilan, ku ishte planifikuar hapja e sheshit të fshatit.

Dhe emri i këtij sheshi, sipas mediave lokale është “Sheshi qendror komunal Serbia”, i financuar nga Zyra që udhëheq Petkoviqi.

Në ceremoni, kanë marrë pjesë zyrtarë të strukturave paralele serbe në Kosovë si dhe kryetari i Listës Serbe dhe ministri për Kthim e Komunitete në Qeverinë e Kosovës, Goran Rakiq.

Rruga Press