Ukraina i tregon çekëve ‘trofetë’ e luftës/ Shfaqen në Pragë pajisjet ushtarake ruse të kapura në fushëbetejë

Pajisjet ushtarake ruse të kapura nga forcat e armatosura ukrainase janë ekspozuar në kryeqytetin çek, Pragë.

Shfaqja e trofeve të luftës, siç i konsiderojnë ata, ku përfshihet një tank i dëmtuar T-90, sistemi i mbrojtjes ajrore Buk dhe Howitzer Msta, u zbulua në Letna Plain, një hapësirë e madhe e hapur, pak larg nga Kështjella e Pragës.

“Kjo ekspozitë dëshmon se sa jetike është mbështetja nga vendet partnere për ne”, tha ministri i Punëve të Brendshme të Ukrainës, Denys Monastyrsky për BBC-në përmes emailit pas hapjes së ekspozitës.

Ai ka thënë se propagandës ruse i pëlqen të trembë njerëzit se tanket e saj mund të arrijnë në Pragë, Berlin ose Paris.

Ekspozita e organizuar nga ministria e tij, përmban gjithashtu raketa dhe predha të çaktivizuara që kanë rënë mbi qytetet ukrainase që nga fillimi i luftës së Rusisë kundër vendit në shkurt.

“Me këtë ekspozitë ne shpresojmë të tregojmë edhe një herë tmerret e luftës që agresioni rus i ka sjellë Ukrainës”, tha zëdhënësja e ambasadës ukrainase Tetiana Okopna.

Rruga Press