Inteligjenca britanike: Brigadat ruse janë të rraskapitura fizikisht e mendërisht
Ministria britanike e Mbrojtjes ka publikuar të hënën raportin e fundit të inteligjencës së saj ushtarake për atë që po ndodh në Ukrainë.
Inteligjenca thotë se që nga 10 korriku, bombardimet e artilerisë ruse kanë vazhduar në një pjesë të Donbasit verior, por pa përparime të mëdha territoriale.
Britanikët thonë se forcat ukrainase kanë vazhduar të shtypin rusët në rajonin verilindor të Khersonit, gjithashtu pa bërë ndonjë përparim të madh territorial.
“Në fund të qershorit, një agjenci ruse e mediave, e vendosur në rajonin e Liqenit Baikal, publikoi një video në të cilën gratë e ushtarëve pretendojnë se ushtarët e brigadës së 5-të të tankeve janë të rraskapitur mendërisht dhe fizikisht”, sipas inteligjencës britanike.
Ministria ruse po përpiqet të zgjidhë problemin e lodhjes midis forcave të dislokuara.
“Ky është ndoshta një nga problemet më të mëdha të Ministrisë së Mbrojtjes ruse, sepse ushtarët kanë luftuar në mënyrë aktive që nga fillimi i luftës më 24 shkurt”, njoftuan britanikët.
Latest Defence Intelligence update on the situation in Ukraine – 11 July 2022
— Ministry of Defence 🇬🇧 (@DefenceHQ) July 11, 2022
Find out more about the UK government's response: https://t.co/SnhtVoG5js
🇺🇦 #StandWithUkraine 🇺🇦 pic.twitter.com/V620iZfEP7
Rruga Press