“Rusia mbeti e izoluar në takimin e G20”
Sekretari amerikan i Shtetit, Antony Blinken ka folur me ministrin e jashtëm të Kinës Wang Yi gjatë një udhëtimi në Bali.
Duke folur për gazetarët, Blinkeni tha se ai besonte që Rusia ishte larguar nga takimi i G20 e izoluar dhe e vetmuar pasi shumica e pjesëmarrësve shprehën kundërshtimin ndaj luftës në Ukrainë.
Megjithatë, ministrat nuk ishin në gjendje të arrinin në një thirrje të unifikuar të G20 për t’i dhënë fund konfliktit.
“Kishte një konsensus të fortë dhe Rusia mbeti e izoluar,” tha Blinkeni për dënimin e veprimeve të Rusisë nga ministra të ndryshëm, disa prej të cilëve shmangën bisedat me ministrin e jashtëm rus, Sergei Lavrov.
Ai vuri në dukje se Lavrovi e kishte lënë takimin herët, ndoshta sepse nuk i pëlqente ajo që po dëgjonte nga homologët e tij.
“Ishte shumë e rëndësishme që ai dëgjoi me zë të lartë dhe qartë nga e gjithë bota dënimin e agresionit të Rusisë”, tha Blinkeni, duke shtuar: “Ne nuk shohim asnjë shenjë se Rusia është e përgatitur të angazhohet në diplomaci”.
Në lidhje me Kinën, Z. Blinken tha se ai dhe Z. Wang kishin diskutuar një sërë çështjesh të kontestuara në lidhje me Tajvanin dhe mosmarrëveshjet në Detin e Kinës Jugore, që të gjitha këto janë komplikuar nga pozicioni kinez ndaj Ukrainës.
Vetëm dy ditë më parë oficerët e lartë ushtarakë të vendeve ishin përballur në lidhje me Tajvanin gjatë një takimi virtual.
Blinkeni tha se ishulli i vetëqeverisur që Pekini e pretendon si territor të tij ishte vetëm një nga seritë e çështjeve problematike.
Ai tha se theksoi shqetësimet e SHBA-së me “retorikën dhe aktivitetin gjithnjë e më provokues të Kinës pranë Tajvanit dhe rëndësinë jetike të ruajtjes së paqes dhe stabilitetit përgjatë ngushticës së Tajvanit”.
©Rruga Press