Eurodeputetja franceze e partisë së Le Pen: Liberalizimi i vizave për Kosovën çmenduri, e kundërshtojmë fuqishëm
Eurodeputetja franceze Dominique Bilde, e cila i përket partisë së ekstremit të djathtë të udhëhequr nga Marine Le Pen , ka deklaruar se e kundërshton liberalizimin e vizave për Kosovën.
Përveç kësaj, ajo tha se Franca kundërshton lëshimin e vizave për shtetasit e Kosovës, madje ajo e quan kërkesën e Kosovës si çmenduri.
Këtë e bëri të ditur përmes një postimi në Twitter, ku ndër të tjera shkroi: “Kosova ishte në program këtë javë në Parlamentin Evropian në Francë. Ne refuzojmë zgjerimin e BE-së me këtë vend. Ne gjithashtu kundërshtojmë lëshimin e vizave për shumë shtetas të tyre. Është koha për të ndaluar këtë çmenduri. Grupi i Identitetit dhe Demokracisë – Francë thotë ‘jo’”.
Rruga Press