Disa rusë nuk i ndalojnë protestat kundër luftës, pavarësisht frikës

Që kur Rusia nisi pushtimin e Ukrainës, Anastasia e ka filluar ditën duke shkruar një mesazh kundër luftës në murin në hyrje të bllokut të ndërtesës ku jeton në qytetin Perm, shkroi AP-ja të mërkurën.

“Mos i besoni propagandës që shihni në televizion, lexoni media të pavarura!” thotë një nga shkrimet.

“Dhuna dhe vdekja kanë qenë me në tashmë tre muaj – kujdesuni për veten”, shkruan një tjetër.

Mësuesja 31-vjeçare, e cila nuk e ka identifikuar veten nga frika për sigurinë e saj, ka thënë se do “një metodë të sigurt dhe të thjeshtë për ta dërguar mesazhin përreth”.

“Nuk mund të bëja diçka të madhe dhe publike”, tha ajo. “Dua t’i bëj njerëzit të mendojnë. Mendoj se duhet të ndikojmë në çfarëdo hapësirë, në çfarëdo mënyrë që mundemi”.

Pavarësisht thyerjeve që qeveria po i bën veprimeve të tilla protestuese, disa rusë kanë rezistuar në të folurit kundër pushtimit – edhe në mënyrat më të thjeshta.

Disa kanë paguar çmim të shtrenjtë. Në ditët e para të pushtimit në shkurt, autoritetet lëvizën shpejtë për t’i shtypur demonstrata, duke arrestuar personat që marshuan ose mbanin shenja që i referoheshin konfliktit. Media kritike u mbyllën. Kundërshtarët politikë u përjashtuan nga presidenti Vladimir Putini.

Teksa lufta po zgjatë, disa rusë si Anastasia ndjehen fajtorë që nuk mund të bëjnë më shumë për ta kundërshtuar pushtimin.

Sergei Besov, artist në Moskë, ndjeu po ashtu se nuk mund të rrinte i heshtur. Edhe para pushtimit, ai krijonte fletushka që reflektonin mbi skenën politike dhe i vinte ato përreth kryeqytetit.

Rruga Press