Protesta të dhunshme kundër propozimit francez në Shkup, plagosen 47 policë

47 policë janë plagosur në protestat e mbrëmshme në Shkup, ku 11 prej tyre janë me lëndime të lehta, ndërsa dy pre tyre në gjendje kritike. Kështu raportojnë mediat maqedonase, sipas të cilave policia u sulmua me sende të forta, koktejl molotov dhe fishekzjarre. Situata më kritike mësohet se ka qenë para kuvendit të Maqedonisë së Veriut.

Protesta e dhunshme nisi rreth orës 19:00 të mbrëmjes së djeshme para godinës së qeverisë, duke hedhur mjete piroteknike dhe sende të forta, për të vijuar më pas te Ministria e Jashtme, ndërsa situate u përshkallëzua para Kuvendit, ku turmat e protestuesve u shpërndanë rreth orës 23:00 të mbrëmjes.

Mijëra vetë protestuan dje në ditën e katërt të protestës kundër pranimit të propozimit francez nga ana e qeverisë, që do të çonte në zhbllokimin e negociatave për anëtarësim në BE.

Rruga Press