Danezi që vrau tre persona: e shpallën menjëherë të çmendur
Në një të shtëna në një qendër tregtare në Kopenhagen, tre persona mbetën të vrarë dhe katër të plagosur. Viktimat janë dy 17-vjeçarë danezë dhe një shtetas rus 47-vjeçar. Dy danezë dhe dy suedezë janë në spital në gjendje kritike.
Shooting in a mall in Copenhagen, suspect has been detained, at least 2 deaths. pic.twitter.com/VPS6EF6ulK
— BasedSpain (@BasedSpain1) July 3, 2022
Shefi i policisë Soeren Thomassen njoftoi se sulmuesi kishte probleme me shëndetin mendor dhe se nuk kishte indikacione se motivi i sulmit ishte terrorizmi. I dyshuari, identiteti i të cilit nuk u bë i ditur, do të merret në pyetje nga gjyqtari.
Kryeministrja daneze Mette Frederiksen tha se Danimarka kishte pësuar një sulm mizor. Ajo tha se donte të inkurajonte danezët që të ishin bashkë dhe të mbështesin njëri-tjetrin në këtë kohë të vështirë.
“Kryeqyteti ynë i bukur dhe zakonisht kaq i sigurt u ndryshua në një sekondë”, tha ajo.
Nuk ka të dhëna se dikush tjetër ishte i përfshirë në sulm dhe policia u ka bërë thirrje pronarëve të qendrave tregtare që të ruajnë çdo pamje vëzhgimi që mund të kenë.
Rruga Press