Ursula von der Leyen: Ukraina ka tani një perspektivë të qartë evropiane

Ukraina tani ka një perspektivë shumë të qartë evropiane, pas vendimit të Bashkimit Evropian për t’i dhënë vendit statusin e kandidatit për t’u bashkuar me bllokun. Kështu ka deklaruar presidentja e Komisionit Europian Ursula von der Leyen në një fjalim në parlamentin ukrainas, i cili u mbajt virtualisht. Ajo u shpreh se është koha për të festuar këtë moment historik pasi është fitore për të gjithë. 

“Ukraina tani ka një perspektivë shumë të qartë evropiane. Dhe Ukraina është një vend kandidat për t’u bashkuar me Bashkimin Evropian diçka që dukej pothuajse e paimagjinueshme vetëm pesë muaj më parë. Kështu që sot është para së gjithash. Është koha për të festuar këtë moment historik, një fitore vendosmërie dhe një fitore për të gjithë lëvizjen që filloi tetë vjet më parë në Maidan”, deklaroi ajo.