Mbetjet fosile të një gruaje mendohet të jenë mbi 3 milionë vjet të vjetra

Mbetjet e fosilizuara që i përkasin disa prej paraardhësve më të vjetër të njerëzimit janë shumë më të vjetra nga sa kishin menduar fillimisht shkencëtarët, thotë një studim i ri, shkruan BBC.

Fosilet, duke përfshirë një që i përket gruas së lashtë të shpellës, Ples, u varrosën për mijëvjeçarë në shpellat e Afrikës së Jugut të njohura si Djepi i Njerëzimit.

Metodat moderne të testimit tani sugjerojnë se grupi i njerëzve të hershëm endej në tokë midis 3.4 dhe 3.7 milion vjet më parë.

Ky afat kohor i ri mund të riformësojë kuptimet e përbashkëta të evolucionit njerëzor.

Kjo do të thotë se tani ka më shumë mënyra të mundshme me të cilat paraardhësit tanë mund të kenë evoluar në njerëz të hershëm.

Për vite me radhë shkencëtarët besonin se speciet Australopithecus africanus, fosilet e të cilit u zbuluan në shpellat Sterkfontein pranë Johanesburgut, kishin qenë më pak se 2.6 milionë vjet të vjetra.

Rruga Press